By Rey Anthony Chiu, PIA-Bohol | 03:04 PM October 22, 2020

Sa ikatulo nga higayon human sa Agosto 3 kanus-a nahimo nga sentro ang lungsod sa kahadlok tungod sa mga kaso sa coronavirus disease nga natala ug nakapatay gani og usa ka tawo pipila ka adlaw ang milabay gikan niadto, zero case na usab ang Bien Unido, Octubre 21.

Kini usab human gikataho sa lungsod sa San Miguel, lain nga lungsod nga nahimong gikahadlokan tungod gihapon sa susamang sakit nga mananakod ang mitala sa lain nga zero case, human sa labing unang kaso niini sa kamatayon, niadtong katapusang semana sa Hulyo ug una nga pagka zero case niini niadtong Agosto 20, segun sa taho ni Mayor Virgilio Mendez sa interview sa radyo.

Ang kaso sa Bien Unido nagsugod sa usa ka babaye nga nanganak sa Ubay ug mipauli sa isla sa Malingin, diin didto nakasugod ang grabe nga pagpanakod nga misapong ngadto sa 15 ka kaso niadtong Agosto 24.

Sa San Miguel, niadtong Septembre 7, may natala na usab nga tulo ka kaso sa COVID, nga dala sa mga nanguli nga locally stranded individuals (LSI).

Septembre 10, una nga gikalipay pagtaho ni Mayor Rene Borenaga ang pagka-ayo sa ilang mga aktibong kaso nga kompirmado sa COVID-19.

Niadtong Septembre 21, nakatala na usab ang Bien Unido sa laing kaso sa COVID human sa kapin sa semana nga wala silay kaso.

Pagka Septembre 24, mingtala ang San Miguel sa iyang labingd aghan nga kaso: 6 ka kompirmado nga locally transmitted nga kaso sa COVID ug laing tulo nga dala sa mingpauli nga mga LSI.

Oktubre 1, zero na usab ang Bien Unido, samtang ang San Miguel may 7 pa gihapon ka locally transmitted nga kaso sa COVID.

Usa ka semana ang minglabay, may naugkat ang Rural Health Unit sa Bien Unido ang laing kaso sa local transmission, Oktubre 7, ug mingsaka sa duha ka kaso Octubre 9.

Human sa duha ka mga senana nga aktibong pagpakigbugnosa COVID sa duha ka nahisgutang lungsod, inubanan sa wala’y puas nga pagpahimangno sa ilang mga molupyo nga magpalayo sa mga isolation facilities ug magpadayon sa estriktong pagpatuman sa health and safety protocols, zero na usab ang duha ka mga lungsod. (rahchiu/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.