BOHOL WEATHER

Bohol Island News

Your source of reliable news and content in the island.

2,000 ka trabaho gitanyag sa usa ka construction company

By Rey Anthony Chiu, PIA-Bohol/08:15 AM August 23, 2019

DMCI Holdings Inc.

May katakus ka ba sa mga trabaho sa construction?

Gidapit ang mga interesado nga aplikante nga moadto sa BQ Mall karon adlawa, Agosto 23 gikan sa alas 9:00 ngadto sa alas 5:00 sa hapon kay may himoon nga pagpang-interview alang sa kapin sa 2,000 ka posisyon sa nagkadaiya nga skills alang sa ilang mga construction projects sa Sugbo ug Manila, saysay ni Technical Education and Skills Development Authority (TESDA) Bohol Director Grace Corazon Castillo.

Matud niya, ang DMCI Holdings Inc., maoy maghimo sa Special Recruitment Activity (SRA) human makakuha og permit gikan sa Department of Labor (DOLE).

Ang SRA nga dungan sa pagtimaan sa TESDA Bohol sa National TechVoc Day, maoy solo nga kompanya alang sa ilang himoon nga pagpanawat sa mga trabahante human makapasar sa interview.

Partikular nga gipangita sa DMCI holdings kadtong mga katakus sa pagpamanday, mason, tubero, tigpangtaud og baldoza, tigtaud og kuryente ug pagmintinar niini, tigpabarug sa mga damba, pintor, tigpangputol ug tigpang kabilyada, tigpang welding ug daghan pang gimbuhaton alang sa construction.

Tambag usab sa TESDA, kon mahimo, magdala na nga daan sa mga labing gikinahanglang dokumentos alang sa pagpanarbaho.

Gituyo alang sa mga migradwar na sa mga kurso sa TESDA, ang SRA, gikataho nga modawat gihapon bisan sa kadtong walay TESDA nga sertipiko apan may mga kasinati- an sa pagpamanday o sa tanan nga nakatala sa ibabaw.

Mahimo usab nga moapil ang mga Overseas Filipino Workers nga kasamtangan nga naghuwat kon makabaliks a gawas dala sa pagkahuman na sa kontrata o sa napakgang nga trabaho dala sa kagubot sa nasud nga ilang gitrabaho-an.

Maayo kini nga higayon kay ang DMCI, mitanyag na sa suholan nga labaw sa minimum, ugt may gisaad na nga kapuy-an sa mga trabahante sa ilang mga project areas, dugang ni Castillo.

Gawas sa SRA didto, may mga kalingawan usab, pakontest ug libre nga mga serbisyo ug kahigayunan sa pamuhunan.

Leave a Reply

This site uses Akismet to reduce spam. Learn how your comment data is processed.

%d bloggers like this: