Pagkapawong sa linya sa kuryente karung Biyernes sa gabii

Adunay pag trip sa linya sa koryente nga nagkutay gikan sa Ubay ngadto sa Trinidad lahos sa Carmen, ug kini maoy hinungdan sa pagkapawong sa serbisyo sa suga nga dagitab karung Biyernes sa gabi, Agosto 2, matud pa sa tigpamaba sa National Grid Corporation of the Philippines (NGCP) nga si Betty Martinez.

Ang wala mascheduled nga pagkapawong sa suga ug gahum dagitab naka angin sa mga bahin sa Bohol.

Ang linya nga mikalit og ka pawong sugod alas 8:21 karobg gabii nakaapekto sa mga giserbisyohan sa Boheco 1, ug parte sa Boheco 2, nga nagkuha og gahum dagitab sa nasampit nga 69 KV nga linya.

Hinuon, pasalig ni Martinez, tua na ang ilang mga linemen nga ilang gipasubay sa linya aron matumbok ang suliran, mapahiuli ug mapahibalik sa suga.

Magpagawas usab og dugang mga update ang NGCP sa matag karon ug unya, matud ni Martinez.

Pasado 10 sa gabii na mingbalik ang kuryente sa mga apektado nga lungsod. Rey Anthony Chiu/PIA-Bohol