Ang multi-billion nga Bohol-Panglao International Airport, ang labing una nga eco-airport sa nasud, mao nay gihimo nga sumbanan sa mga mosunod nga mga mga proyekto nga imprastraktura sa nasud.

Kini maoy gibutyag ni Panglao Bohol Airport General Manager Atty Rafael Tatlonghari sa mga sakop sa media nga gidapit sa Department of Transportation (DOTr) nga mosaksi ug masusi ang Build, Build, Build sa kagamhanan.

Sa usa ka yano nga Question and Answer human sa media tours sa bag-ong pasilidad ug gisaksihan ang mga gipahimutang nga mosuporta sa giangkon niini nga labing una nga eco-airport sa nasud, gipadayag sa Bisaya nga general manager sa labing bag-o nga tugpahanan sa Bohol may 15 na mga binag-o nga teknolohiya nga anib sa kalikopan.

Gani sa 17 ka mga tugphanan nga gipabarug ug gipahiuli sa Build Build Build sa panahon ni Duterte, ang mga mosunod, kinahanglan nga mokopya sa gibuhat sa Bohol, saysay ni Atty Tatlonghari.

15 ka mga binag-o nga teknolohiya nga nagsandig sa kalikopan ang napahimutang sa Panglao Airport, ug tungod niini, maka-angkon na ang pasilidad nga labing duol sa kalikopan, dugang niya.

Ang 15 ka mga napahimutang nga teknolohiya mao ang mosunod:

  1. Ang airport migamit sa solar power ug kini nagpadagan sa halos 30% sa

panginhanaglan sa tugpahanan sa pang-adlaw nga gamit.

  1. Ang airport usab migamit sa Light Emitting Diodes isip suga, kay ang LED,

giingon nga mogasto sa 10% lamang nga koryente sa sama ka landag sausa ka

incandescent light.

  1. Ang Panglao Airport migamit sa landscaping aron pugngan ang paggawas sa

green-house gasses.

  1. Ang airport migamit usa sa solar hot water. Ang kainit sa adlaw nga gi-ani sa

solar panels, may init nga matigum ug kini alang sa ininit tubig nga magamit sa

mga naa sa tugpahanan.

  1. Ang airport may kaugalingon ga wastewater treatment facility nga kaya

makapalimpyo sa dul-an sa napulo ka tonelada nga basa nga hugaw.

  1. Migamit usab ang airport sa energy efficient type nga air-conditioner.

 

  1. Sa mga lugar nga pundohan sa tawo apan walay aircon, may state of the art

louver system ug curtain wall nga magpugong sa radiation.

  1. Ang airport usab may materials recovery facility.

 

  1. Sa pagtukod sa airport ug may mga kahoy nga giputol, kini gipulihan na sa

programang Compensatory reforestations.

  1. Ang airport usab may haum nga mga pamaagi sa paghipos sa uwan nga sarang

mausik kon pasagdan, apan karon, naa sa mga tipiganan aron magamit pa.

 

  1. Ang airport usab migamit sa Sistema sa pagdumala nga haum.

 

  1. Dugang pa, ang airport sa Panglao may gibatan nga soaking yard, aron ang

hugaw nga tubig nga gipahiuli, mahimong abono.

 

  1. May biological treatment system usan silang gipatuman sa paglimpyo sa hugaw

nga tubig.

 

  1. Sa airport, ang ilang tubig nga makuha gikan sa treatment, mao ra usab ang

gigamit sa pagpangbisbis sa tanum ug

 

  1. Ang abuno nga makuha mao ra usab ang gigamit sa mga tanum sa sulod sa

airport complex. Rey Anthony Chiu/PIA-Bohol

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.