BOHOL WEATHER

Bohol Island News

Your source of reliable news and content in the island.

Likayi ang HIV pinaagi sa paglikay sa druga, tagay

Gawas nga makadaut sa lawas ug pangutok ang illegal nga drugas ug ang paghubog-hubog, mas dako og suliran kon tungod niini matakdan na hinuon sa Human Immune Deficiency Virus (HIV).

Subay sa pahayag sa Provincial focal person sa HIV ug Acquired Immune Deficiency Disease (AIDS)nga si Milagros Israel, didto saKapihan sa PIA sa mi-aging semana, ang pagkagumon sa illegal nga drugas ug ang paghuboghubog daghan og sangputan.

Ug ang labing delikado niini mao ang pagkawala sa mga inhibisyon ug kaulaw kon hubog na sa drugas ug ilimnon nga  ang mga lalaki mangi-unayna ug ang mga babaye, mawad-an na og buot ug magamit nani bisan kinsa.

Matud pa ni Israel nga daghan sa mga bag-o lang  nga nagpa-atiman kay may namatikdan na nga HIV sa lawas, mga lalakinga nag-unay og pakighilawas sa lalaki ug mga babaye nga nagamit sa uban dala sa kahubog sa drugas o ilimnon.

Gawas sa pag-unay ug pagpakighilawas sa tawo nga may HIV na daghan usab nga bag-ong kaso sa HIV ang natakdan sa pag-inambitay sa dagum sa panahon nga magtusok sa drugas, dugangni Israel.

Ang HIV usa ka matang sa bayrus (virus) nga hangtud karon wala pa nadiskobrehan ang tambaw nga mopatay niini.

Kon makasulod sa lawas sa tawo pinaagi sa pagpakighilawas sa tawo nga nia naniini o sa pagbalhin sa bayrus sakay sa pag-abuno og dugo o sapag-inambitay sa dagum sa injection, ang bayrus mousab sa iyang porma og magtakuban nga sama ra sa bayrus nga naa sa lawas.

Sa pagdaghan ug pagsanay sa bayrus sa HIV sa lawas, atakihon na niini ang bisan unsa nga parte sa lawas nga huyang ug sanglit wala pay mopatay niini nga bayrus, mao na unya ang kapildihan sa  tawo ang komplikasyon dala sa sakit.

Aghat sa mga health authority ngadto sa mga mahilig sa inum-inum hangtud mahubog ug kadtong nahungog sadrugas likayi na kini.

Ug alang niadtong wala pa masayud kon may nanimuyo na ba nga bayrus sa HIV sa lawas, may libre nga pagpatan-aw, dugang tukbil ni Israel.

Ang libre nga HIV testing makuha gikan sa Provincial Health Office, sa Gov. Celestino Gallares Memorial Hospital,sa mga tambalanan sa kagamhanan o sa pipila ka mga Rural Health Units.

Mokuha lamang ang mga  tinugyanan og usa katulo sa dugo nga ipailawom sa laboratory test, ug human sa pipila ka minutos, makuha na dayon ang resulta, pasalig ni Israel.

Ug alang niadtong positibo sa HIV, may libre usab nga tambal pagpalangan sa epekto niini, sumpay ni Dr. Wilnilia Causing sa GCGMH Treatment Hub. Rey Anthony Chiu/PIA-Bohol

 

israel
Sila si Milagros Israel, Provincial focal person sa HIV ug Acquired Immune Deficiency Disease (AIDS), ug Dr. Wilnilia Causing  sa Gov. Celestino Gallares Memorial Hospital, nag-awhag nga likayan ang ilegal nga drugas ug ang paghubog-hubog kay mas dako og suliran kon tungod niini matakdan na hinuon sa Human Immune Deficiency Virus (HIV). Hulagway gikan sa PIA-Bohol

Leave a Reply

This site uses Akismet to reduce spam. Learn how your comment data is processed.

%d bloggers like this: