By PR | 11:43 PM March 29, 2023
Gibanabanang mokabat sa P170,000 ang kantidad sa gituohang shabu ang nasakmit sa gipahigayong buy-bust operation sa mga otoridad sa Purok 5, Sitio Catugasan, Enerio St. Barangay Dampas, Tagbilaran City, Bohol adlawng Miyerkules, Marso 29, 2023.
Giila sa mga otoridad ang mga suspek nga sila si Ma. Theresa Capucao, 32 anyos, ug usa ka lumulupyo sa Circumferential Road, Poblacion 3, Tagbilaran City; ug si Lloyd Meljor Aplacador nga kasamtangang nagpuyo sa VP Inting St., Poblacion 3, Tagbilaran City.
Matod sa mga otoridad, nasikop ang mga suspek mga alas 12:54 sa buntag sa hiniusang operasyon nga gihimo sa mga operatiba sa kapulisan sa Tagbilaran Police Station.
Nakuha gikan sa mga suspek ang kapin sa 25 gramos sa gituohang shabu nga adunay street value nga P170,000.
Kasong kalapasan sa Republic Act 9165 o Comprehensive Dangerous Drugs Act of 2002 ang atubangon sa mga suspek.